韓國統計網站「gallup」於上月8號至28號，進行為期3周嘅調查，吸引1,700名13歲以上嘅網民參加。繼噚日公佈「年度最突出演員」由宋康昊奪得後(相關新聞連結： http://bit.ly/2o2xgMt )。

網站就再公佈今年嘅「年度藝人」，當中憑神劇《太陽的後裔》而紅遍亞洲嘅宋仲基同宋慧喬就齊齊晉身頭三甲，今年有新片《軍艦島》推出嘅宋仲基，加上同喬妹舉行世紀婚禮，令佢以17.9%得票率成功做冠軍，而喬妹就以9.5%得票率得第三位。

至於第二位就由人氣劇《鬼怪》男神孔劉以10.1%獲得，第四位至第六位就分別為朴寶劍、李鍾碩及秀智。

另外，喬妹現時於北京出席中韓經貿合作交流會，一個人留喺韓國嘅宋仲基都有節目，跟《太陽》劇組人員見面。

更多韓流，喺晒《娛果》
http://fb.com/appledailyent