海俊傑今日娶老婆，彭敬慈做伴郎，傅穎做伴娘，今朝接新娘嘅時候，就行下石春路、食wasabi，傅穎笑言：「佢班兄弟好叻，好快就估到。我哋本來諗住罰啲兄弟濕吻三十秒，但佢哋玩完啲遊戲都冇輸過，所以唔使罰。」

海俊傑就話今朝班姊妹都唔係玩得太過激烈，講到開門利是呢，海俊傑就笑言預咗9億，跟住佢就話都係唔好講啦。