騎士同塞爾特人就K艾榮（Kyrie Irving）、I湯馬士（Isaiah Thomas）等明星球員交易，早前終於落實；不過正受臀傷影響嘅I湯馬士，幾時可以復出幫騎士上陣，宜家仲係問號，克里夫蘭傳媒更話，佢嘅傷勢比騎士管理層預算仲嚴重，隨時17/18球季都唔打得。

I湯馬士喺加盟騎士時，已經拒絕回應記者有關傷勢嘅問題；而據報佢除咗有髖關節傷外，仲有關節炎及軟骨缺失問題，令治療更加複雜，28歲嘅I湯馬士最壞打算，係新一季NBA都唔打得，咁就一定令騎士大失預算。