最近網絡界最多人講嘅，就係facebook開始搞直播，不過唔係個個facebook用家可以用到呢個功能，facebook家陣只限經佢認證過、屬「名人帳號」，先有得使用呢項新功能，所以能夠玩到facebooklive嘅人，都算係身份象徵㗎！

原來黃之鋒都畀facebook認證咗，可以用facebooklive功能，今日就直播佢打GundamVs.GundamNEXTPlus嘅「戰況」，最高峰時間，有2,000幾人一齊睇，不過佢就打輸咗！好多人都有留言笑之鋒打輸之餘，又七嘴八舌建議佢下次要點打、應該用邊部機，八方見到周庭都有留言，但就話之鋒要2,000人睇佢打輸，真係情何以堪呢？