選擇困難症雖然不是病，但不少人卻誤以為是病症。《蘋果》在街頭訪問，有市民直指自己有選擇困難症，吃飯、吃麵、吃雞抑或吃豬也要思考一輪，最終卻選了最常吃的一款；有少女則表示會用錢解決選擇疑難，買吓同一款式衣物的所有顏色，「如果錢解決到嘅問題就算囉......起碼唔會後悔」。但當全部受訪者得知要伴隨情緒問題才是患病，均表示自己沒有負面情緒。

自稱有選擇困難症的曾先生，直言平日最辛苦是決定當日吃什麼，「食得飽唔飽、好唔好食、可能全部都好想食，但係揀唔到，今日想食飯、想食麵、想食米粉、要湯、要炒定要普通嘅，之後再諗要咩肉、咩菜、咩配料，好辛苦架，再諗嘢飲，再唔係就跟朋友食」。不過，他即場在一個有13款食物的餐牌選擇當日晚餐，只用約2分鐘便作出決定，「食雞定豬？豬比較肥，雞肉肉質唔同囉，我個人唔係咁鍾意食牛肉嘅，所以要諗好耐，有蛋有菜，又想健康嘅話，可唔可以全部嗌架？好難揀呀」，最後選了栗米魚塊飯，飲凍鴛鴦，「因為又有奶茶又有咖啡」。

盧小姐亦認為自己有選擇困難，曾因無法抉擇，而將同一款短裙七種顏色均購下，但買終只穿過2、3種顏色，「驚買完呢隻色，第二隻色又好易襯衫喎，又唔想到時著嘅時候又無咁嘅色，咪買晒佢囉」，她坦言經常思索數日，最終都會用錢解決，即買齊同款所有顏色。

記者 伍雅謙