楊穎（Angelababy）同趙又廷主演、徐克導演嘅3D電影《狄仁傑之神都龍王》就快喺內地上映，Baby喺戲入面演妓女，有好多款唔同嘅造型，不過款款都谷胸谷到盡，所以平時係「長平公主」嘅佢，喺戲入面都有啲睇頭。

導演徐克話因為佢喺混血兒，所以放喺唐朝會好有特色，不過Baby就要學習唐代禮儀、茶道、古琴以及舞蹈，當中最難嘅就係跳舞，Angelababy話：「有場在獻祭車上跳舞的戲，因為搖晃得厲害，劇組把她的一隻腳固定在車上，另一隻腳要不斷踢腿表演。」拍完之後Baby足足一個星期唔識行，認真慘情。