【本報訊】大批學子覺醒，明白香港社會、政制不公的萬惡根源，建制派認定培養學生批判思維的通識科是罪魁禍首，要求刪減內容、甚至把通識科變為選修科。見證着這科面世的前教育界立法會議員兼教協副會長張文光指，當年一手強推通識科的是政府，更堅持必修必考，半步不讓，如今一旦整治通識科，定必是政治原因，呼籲學界警惕。

當年政府硬推

張文光憶述，當年政府企硬要求新高中學制時，引入通識科做必修科，並企硬學生「必修必考」，泛民當年要求必修，讓師資、配套到位後才必考卻遭拒絕，政府如今卻要整治通識科，張文光直指：「歷史係不能回頭，如果𠵱家話要整治呢一科，一定係政治原因。屆時唔止係學生，而係學生、老師一齊起嚟反抗。」
對於人大法工委副主任張榮順倡在港進行一國兩制再啟蒙，建立國家民族觀念，令港人認同國家和中央政府，張文光反駁：「冇一個政府夠膽話佢嘅人民，係需要佢（政府）嘅啟蒙，如果你係一個人民嘅政府，我嘅選票決定你嘅命運，你反而去啟蒙我？你對人民係乜嘢？你估你喺孫中山嘅訓政時期？」