人氣韓劇《鬼怪》男主角孔劉早前落實將於5月6號喺香港亞博Hall 10舉行首個粉絲見面會「2017 Gong Yoo Live Make A Wish in Hong Kong」，門票將於下周五公開發售。

今次見面會now TV同Viu都有份贊助，而主辦今日就公佈票價詳情，當中門票將於下周五早上10時起喺購票通 (網上購票: www.cityline.com或購票熱線: +852 2111 5333 (每日10:00AM - 8:00PM)) 及購票通售票處 (設於通利琴行、麥花臣場館、亞洲國際博覽館及HMV銅鑼灣)公開發售。，門票分為兩種，分別係$1,480及$780 (全部為指定座位)。

到時見面會將於晚上7時30分舉行，今日主辦亦都公開咗孔劉見面會最新海報，當中孔劉閉緊雙眼沈思緊一樣，型格十足。 同時孔劉更會親自邀請特別嘉賓攜手炮製驚喜畀港迷。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。