曾執導周潤發主演的《義蓋雲天》、劉德華主演的《獵鷹計劃》等電影的導演羅文（原名：羅興文），上月因心臟衰竭病逝，終年70歲。今日假循道衛理會國際禮拜堂舉行安息禮拜，羅家英、吳思遠、劉偉強及張同祖等擔任扶靈，鄭則士夫婦、董瑋及蕭榮等到場送別羅文。

羅家英透露，他跟羅文導演相識廿載，但二人未曾在工作上合作，而是在明星高爾夫球會一齊打波認識，羅家英說：「佢有教我打波，佢係詠春高手，用詠春招式打波，打得又叻又遠，我試過打波時打腫佢個嘴，佢冇嬲捉我錫番佢。佢好奸㗎，撩我輸賭打5蚊一個洞，佢即刻好認真打。」羅家英又笑言每次打賭前會要求羅文先讓他15個洞。

羅家英回想去年自己因前列腺動手術入院，當時羅文導演帶了兩個木瓜到來探病，今年卻未能與對方聯絡，羅家英說︰「羅文住太子道，我每年過年同阿姐去花墟買花，羅文都借讓車位畀我泊車，每次都有一齊行，今年我有揾佢，但冇回覆。」家英哥指羅文年輕時，在邵氏任化妝師，最近在其他化妝師的社交網站中才得知對方離世消息。

在邵氏年代已經與羅文導演認識的張同祖表示，二人相識超過40年，形容羅導演為人健談，風趣幽默，張同祖說︰「佢好好人，今年4月見過面，原本打算疫情後再探佢，點知佢走咗，佢年頭開始心臟衰竭，以前曾經做過通波仔手術。」

採訪︰張明
攝影︰仇志德
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新