英聯盃16強本周中展開，利物浦周二在晏菲路迎熱刺，相信兩軍都會稍作輪換。紅軍今季攻強守弱，常常失波，加上有防中佐敦軒達臣停賽，而熱刺亦很大機會收起法國門將洛里斯，改派禾姆及賓戴維斯等副選上陣，所以估計今場多入波，宜捧中位數[2.5/3球]「大」。
雖然利物浦對上兩輪英聯盃對低組別球隊都「派蛋」，但今場對手是同級的熱刺，相信戰情會緊湊得多。利物浦近況理想，但後防有改善空間，今季九場英超只得對曼聯一戰保持清白之身。

阿仙奴勢輕取雷丁

英媒估計，紅軍今場將輪換部份球員，例如甩漏甚多的左閘艾拔圖摩蘭奴有望正選。隊長佐敦軒達臣上場領黃，累積五面黃牌，需要停賽。前場方面，紅軍的副選亦有質素，包括奧歷治及史杜列治。熱刺方面，禾姆、賓戴維斯及奇雲雲馬等後防替補有望擔正，但這班球員實力稍遜，將減弱防守力。
另一英超勁旅阿仙奴將於主場對英冠雷丁，前者雖然料會收起大部份主力，不過其副選如盧卡斯佩雷斯等亦戰鬥力強勁，故應可輕鬆晉級，一於捧兵工廠[-1]「主勝」。由荷蘭名將史譚領軍的雷丁，也多以弱陣戰英聯盃，料眾主力球員如門將艾哈比斯、後衞麥沙尼及前鋒麥奇利或被收起。
賽制：若在90分鐘內打成平手需加時，如加時再和，則互射12碼決勝。文：咖喱