雖則性格巨星「巴基之星」經過馬語大師Monty Roberts的誘導後，向佢表示自己以往曾在沙田馬場草地跑道1400米處被鞭打，因此非常不開心，留下了不快經歷，所以唔想再跑。

報道一出，即時引起馬迷爭相討論，唔少人話呢位大師呃人、係神棍，騙徒手法層出不窮云云，但馬語係咪有效都好，相信時間會講出真相，「巴基之星」或有朝一日可回到比賽當中。

雖然「巴基之星」仲未能於分級賽證明自己的本領，但本身當日「輸在起跑線、贏在終點線」的超凡代表作，已成功吸引本地一名大馬主，斥資購入「巴基之星」的家族成員，當事人就係本地馬圈名人蕭百君。

蕭百君日前於英國買入一匹「巴基之星」的兩歲同母馬，名為Legal History，交由與他合作開的練馬師韋嘉訓練，準備大展拳腳。