【新增動新聞】

施丹踢波勁就係人都知，但係佢嘅大仔安素施丹就似乎唔多掂，踢西甲下游份子艾拉維斯都攞唔到正選，最尾重要敗走收場。《馬卡報》報道，安素施丹已經落實由艾拉維斯，轉投瑞士超級聯賽球會洛桑體育。

洛桑體育依家排瑞超第五位，落後榜首嘅年青人15分，上年只係排聯賽第九。安素施丹今季只係喺西甲上陣過兩次，當中有一次重要係後備，喺西甲只出過71分鐘。查實施丹啲仔真係冇咩踢波天份，效力皇馬二隊嘅二仔盧卡上年出戰青年歐聯，喺一場對住巴黎聖日耳門嘅比賽，面對對手起腳勁射竟然「驚波」避開，任由皮球入網，成為笑柄。