當年今日
關於我們

【疫情下誕B】50歲鄭嘉穎再為人父 貼全家福報喜:弟弟來了

蘋果日報 2020/08/03 13:07

陳凱琳鄭嘉穎

50歲鄭嘉穎再為人父,今日在微博貼一家四口相,宣佈細仔Yannick已出世,留言:「弟弟來了,母子平安!感恩感恩!」嘉穎接受傳媒訪問表示,細仔取名鄭承亮,鼻高面尖似老婆。
現年29歲的陳凱琳(Grace),去年為老公鄭嘉穎生下大仔承悅(Rafael)後,今年5月宣佈再度懷孕,兩年抱兩,相中的嘉穎抱着細仔親吻,溫馨滿瀉,陳凱琳亦已出院,精神不錯,屋企還佈罝了氣球,歡迎弟弟返家。
陳凱琳接受訪問表示:「好開心公佈喜事,BB喺上個禮拜一出世,而家我哋安全返咗屋企,大家好和洽,哥哥好乖,幫手睇BB,大家非常安慰,比起第一胎自己有心理準備,所以心情唔錯,成件事都好順利,好暢順,好喜悅,多謝大家祝福,嚟緊都會安安全全留喺屋企,盡量唔會出街,坐月會喺屋企養好身體,多謝大家關心。」
她亦分別在微博和FB貼抱BB相,留言:「1+1=4,愛讓我們在一起,小王子,歡迎你的到來!」更透露BB早產了:「他們說的是真的:生活充滿驚喜!熱烈歡迎我們的小寶貝男孩Yannick走向世界!即使您到達的時間比預期的早,我們的家人也非常高興能早日見到您!」
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新