今年73歲的殿堂音樂人黎小田，今年5月突然傳出入醫院消息，當時他以短訊回覆：「我入了醫院，肺炎。」被問到身體有沒有大礙？他說：「OK la」。不過，《蘋果》今日收到消息，指黎小田近日病重，病情轉差，情況不太理想。

黎小田最後參演的節目，是無綫音樂節目《流行經典50年》，好拍檔薛家燕今日接受傳媒訪問，透露數日前探望過對方，但未有透露病況，她說：「佢都係休息緊，我前幾日去新加坡，返嚟都有去睇佢，佢現在休息緊，多謝多謝。」追問是否嚴重？她說：「醫生話要畀佢休息吓先。」另一位拍檔胡諾言亦在數日前探望過小田，他說：「佢未好得晒，我哋去嘅時候瞓着覺，比較攰，其他唔方便講，要問番佢屋企人會好啲。」陳敏之則說：「有探望，我們讓他好好休養，其他不太淸楚。」

《蘋果》記者致電黎小田秘書Clara，對於有傳黎小田患上肺炎病重，Clara連聲否認說：「吓？冇啲咁嘅事，啋過你，真係大吉利是咩。佢肺炎休養緊之嘛。」問小田是否在醫院留醫？Clara說：「佢喺屋企休息緊呀！大家唔使擔心。」

燕姐與小田由童星已經做拍檔，至兩年前又一齊合作做無綫音樂節目《流行經典50年》，至今年7月初才交棒予胡楓，為了答謝台前幕後，家燕姐在銅鑼灣一間食肆筵開4席慰勞大家，當時黎小田都有出席，精神不錯，還爆料指電視台的冷氣太凍，並說：「做到我病，肺炎，醫咗一輪，依家好番。」