曾出演《又，吳海英》、《浪漫醫生金實福》等人氣韓劇嘅32歲「收視福將」徐玄振，佢同24歲男星楊世鍾主演嘅新劇《愛情的溫度》噚晚首播，第一集就講到徐玄振重遇初戀楊世鍾，雖然首播收視就唔及上周結局嘅《操作》，但頭兩集收視仍然以7.1%及8%，榮登月火劇(逢周一及周二播出)嘅收視冠軍。

至於允兒同任時完主演嘅《王在相愛》播出37及38集，收視分別有5.8%及6.8%，位列同檔收視亞軍，而KBS嘅《內衣少女時代》則以4.1%繼續包尾墊底。