除了港爸、港媽緊張子女的外形外，到美容院做facial、打肉毒桿菌抗老不再屬女性專美。ACNelson一項市場調查發現，香港男性前年花近千萬元於美容服務上，較2008年增五成。
男士美容院Mence創辦人蔡敏思指，現時不少港男相信儀容整潔能增強自信，有助擴闊社交和增加職場競爭力，對美容纖體服務需求殷切，以塑造至fit身形、六塊腹肌、滑嫩臉頰、濃密髮絲、滑淨手腳，「姿整」程度與港女媲美。

客人年齡15至85歲

男士對整容接受程度也提升了不少，拉皮、消眼袋及收下巴服務大受歡迎，「但佢哋消費比女士理智啲，唔會乜新產品或者儀器都試」。
蔡表示，到美容院的男士多數年齡介乎35至45歲，也有小至15歲，老至85歲的客人惠顧。約半數客人是生意人，其次是專業人士，「都係要見人嘅行業，最緊要身形夠fit，望上去後生啲」。
身形曾fit到能當金城武替身、在電影中拉小提琴的音樂人廖原，每憶起「脹爆」的那些年都耿耿於懷。廖說：「以前有朋友笑我『噚晚見到你上鏡，但肥咗喎！』聽到都幾痛心，接受唔到！」
發福令他喪失工作機會，「有次做大騷嘅音樂指揮，唔覺意聽到主辦單位話：『唔好再搵佢，好肥，唔好睇。』」廖原遂參加纖體療程，成功將體重由199磅減至150磅，每月消費千多元在美容上。
《蘋果》記者