這天（7日）早上沙田馬場落過傾盆大雨，跑變化地賽果較難估計，繼頭場爆出廿多倍冷門後，第二場四班1200米亦由一對10倍過外馬構成連贏位。

最終贏馬的是陳嘉熙座騎「駿皇星」（摩廐），這匹四歲澳洲自購馬出閘雖然不快，但末段沿內叠逢馬過馬，最終以1.75馬位之先，在變化場地上打開本身香港勝門。

今場單Win及組合獨贏A3分別派104及28.5元。

陳嘉熙近期成績顯著回升，繼上次（5月31日）日賽憑「美麗友盈」及「軒轅齊飛」起孖後，這天第二場火速再捷，季內增至有20Win，成績不俗。

至於大摩亦延續近期旺勢，近三個賽日共贏四場，本身與陳嘉熙相隔一周再度攜手贏馬，季內增至有51Win，繼續向冠軍寶座推進。

第二場二至四名依次為「駿馬風采」、「連利福將」及「濃有」。

--------------------------
【馬上看經典】迴光反照莫此為甚！「奔騰」創遮打盃另一經典
即睇今期《馬上看經典》
--------------------------
馬匹賽績、騎練數據、名家貼士
【最強贏錢武器盡在蘋果馬網】
刨馬撳呢度
--------------------------
《果GYM》隨身播　健身壹App過！
一按即玩