吳綺莉、黎燕珊、胡楓（修哥）、林雅詩、劉詠詩等今日一早齊集中環海旁，參與「象義行2017」活動，身為主辦郭秀雲希望大家關注將瀕危絕種嘅加灣鼠海豚，之後一眾嘉賓便率領參與善長從中環步行上山頂。

吳綺莉一早精神奕奕現身，佢話平日都慣咗早起身，只係甚少出外活動，佢指心情已經好好多，近日更喺屋企嘅露台學種生菜、茄子同辣椒，問到有冇同女兒卓林聯絡？佢話：「大家知大家安全，大家都要適應，件事由頭到尾都成年，佢搬走都有半年。」

至於聖誕會唔會約卓林食飯，佢就話隨緣，並要學習接受女兒突然變成大人，嘗試以佢哋嘅年紀去思考溝通。問到卓林係咪已歸還早前攞走嘅衣物，吳綺莉話：「我啲朋友好好，話我着嚟著去嗰幾件衫，o依家可以買過啲新，我唔諗太多，不如諗吓工作同自己決定到嘅嘢。」

另外，同場的黎燕珊特意帶同女兒詠琳行善，為了接拍新劇，她透露推了不少工作，損失六位數。

更多娛聞，喺晒《娛果》
http://fb.com/appledailyent