當年今日
關於我們

【咦!有啲嘢喎】剪短髮變男仔頭 遭男友投訴碩之:佢唔好約我囉!

蘋果日報 2015/02/13 06:00

蘋果香港男友投訴趙碩之情人節安排即時短髮密實剃光頭格雷的五十道色戒

趙碩之﹑黃集鋒﹑名模AnaR.﹑Rosemary﹑貝安琪等,噚晚出席電影《格雷的五十道色戒》首映禮,AnaR.及Rosemary性感拋胸,搶盡「峰」頭,撼贏密實look嘅碩之。

碩之以頭清爽短髮及密實打扮,出席首映禮。問到點解着得咁密實?佢話:「剪咗短髮,着得男仔啲,不過男朋友投訴,話剪得太短,我剪嘅時候冇考慮到,要留返啲頭髮畀佢摸下。」碩之還笑言:「我同佢講,如果唔鍾意我髮型,唔好約我囉。」

咁情人節唔見面?佢竟然話:「唔知會唔會一齊過呀,玩下脾氣先囉。有時都唔想成日見,因為佢成日煮飯畀我食,食得多,食到我肥點算?但外國人對節日好緊要,知道我話唔出嚟,佢又『0偽』我咁,睇下到時點啦。」唔驚男友走咗去?碩之就話:「佢唔等得會走,都冇法。」

問碩之係咪多番出嚟工作?佢話:「係呀,睇下乜嘢安排囉,嚟緊有套電影,唔介意我短髮,唔需要下下要靚女或性感,若果有戲要我剃光頭,我都肯囉。」