【本報訊】雨傘運動後期，學聯被指決策失敗，掀起「拆大台」風氣，多間院校成員退聯收場。如今學聯成員只剩中大、嶺大、科大及仁大，被嘲差點變成「新界學聯」，其後更退出支聯會。有學者指現時學界只就個別議題合作，「關係會脆弱啲」；退聯推手則稱當年「肯定冇做錯」，強調退聯可加強各院校自主。
學聯與學民思潮帶領雨傘運動，惟佔領僵持多月，學聯成眾矢之的，屢被指錯過時機，多名示威者更於行動升級時受傷、被捕。傘運結束後正值各大學生會換屆，港大率先退聯，觸發骨牌效應。剛卸任的學聯代表會主席黃健朗亦透露，傘運後多名學聯成員不時缺席會議，「睇得出都唔係好想參與（學聯）」、「幾冇火」。

學者：成個社運處於低潮

中大政治與行政學系高級講師蔡子強本身是學聯「老鬼」，據他觀察，學運低潮與退聯無關，「係個大趨勢都靜，無論係學運、民陣或其他團體，係成個社運都處於低潮」。惟他強調學聯仍扮演建構社運脈絡的重要角色，如今學界只就特定議題才合作，「好簡單去諗，只喺大事先合作，關係會脆弱啲」。
香港民族黨召集人陳浩天當年是理大退聯關注組召集人，堅稱退聯決定未見負面影響、「肯定冇做錯」，「最重要係大專學生會有冇心，有心就自然會做，唔一定要（學聯）呢個平台」。陳又指，退聯可令各院校更「自強」，活動亦不受學聯規則限制。時任港大退聯關注組成員王俊杰則形容「退聯只係一個爆發嘅導火線」，反映不同派系、光譜之間各趨極端。王指退聯後各院校有更大合作空間和自由度。
■記者葉偉東