澳門嘅賭場收入因為中央打貪係咁跌，不過，中央噚日就為澳門沖喜一下，早前中央承諾送畀澳門嘅第二對大熊貓「開開、心心」噚日成功登澳，澳門政府喺機場接機，歡迎開開心心光臨。
今次係中央送畀澳門嘅第二對大熊貓。首對中央送畀澳門嘅熊貓都係叫做「開開」、「心心」，但心心已因腎衰竭逝世，開開則送回內地參加「全國大熊貓繁育計劃」。新一對落戶澳門的雄性開開今年7歲、雌性嘅心心今年8歲，佢哋噚日先入住路環金像農場，之後會接受隔離一個月，6月1日會喺澳門嘅大熊貓館同市民見面，初期只會作有限度開放，畀兩隻熊貓逐漸適應環境後先同公眾見面。