吳岱融與兒子Justin、陳凱琳今日喺將軍澳出席父親節活動，三人大玩遊戲嗰陣盡顯默契。

吳岱融同太太鍾淑慧、阿仔Justin齊齊受訪，Justin透露會外出食飯及送心意卡慶祝父親節，問佢會唔會為爸爸下廚？Justin笑謂：「公仔麵我就有信心嘅。」吳岱融指兩父子平日最愛打機，太太鍾淑慧亦大讚老公打機好叻。

至於Justin會唔會入行做藝人？佢話想向幕後發展：「我冇以做幕前為目標，間唔中出下活動都OK，但我想做攝影師、後期特效，嚟緊都要返新加坡讀多一年有關嘅嘢先。」其實Justin已經做緊爸爸助手儲緊經驗，之前吳岱融喺漆咸道馬路拍劇，Justin都幫手影咗好多爸爸嘅型佬相，相當有潛質。（新聞連結： https://bit.ly/2xQMFnV ）

陳凱琳話會提早慶祝父親節，不過男友鄭嘉穎因為要開工未能同行：「我下個星期要去馬來西亞拍節目，個節目要我跑10公里，我都無練過，都驚自己唔知得唔得，應該早啲搵蔡思貝教我。」

精選娛聞，喺晒《娛果》
http://fb.com/appledailyent