第一場第五班1650米：「老表醒」今季一落五班跑谷草1800米即贏馬，其後升上四班跑幾場表現一般，今仗又減夠分落返五班跑，兼強配莫雷拉策騎，優勢非常突出。

昨日（27日）開飛11倍，5點落到8.8倍，現時6.8倍W，2.3倍位置。

有早飛支持，今場形勢有利，可WP捧場。

「威力爆發」今季起四班跑六場毫無表現，上場減夠分落五班跑同程，排黃金一檔起步，結果真有表現跑入一席冷位。

賽後並沒有加分，所以今場依然可以喺五班再跑同程，轉用巴度上陣。

呢個騎練組合在剛周日（25日）憑「福逸」攜手捧走一級賽，手風正順，今場應有嘢睇。

昨日開飛7.4倍，5點回上10倍，現時又落返8倍W，2.7倍位置。

墊底飛到位，睇飛今場一定有表現。

「喜多樂」今季已跑八場毫無表現，直至上場初跑同程谷草1650米有返走勢。

今場練馬師繼續安排跑同程，專用當旺騎師何澤堯，兼有運排到黃金一檔，應會把握機會交代。

昨日開飛10倍，5點企住10倍，現時輕輕落到9倍W，3.2倍位置。

有些少早餐飛支持，要留意臨場賠率變化，如見有飛落到大約6至7倍，就一定要跟進。

「金剛福星」今季跑過四次程，雖然全數落敗，但每次都有些少走勢見到！

上場在五班跑同程，沿途包尾，但最後竟然可以後上走入一席第四，走勢令人刮目相看。

今場再跑同程繼續用波健士上陣， 騎師必定把握在港策騎機會爭取表現，所以鬥志不用懷疑。

昨日開飛10倍，5點輕回想12倍，現時14倍W，5倍位置。

早飛唔算多，但博冷就啱胃口！

提供：1老表醒、2威力爆發、5喜多樂、4金剛福星

-----------------------------

借錢點先可以賺到盡？

借錢點先可以賺到盡？梗係要現金回贈越多越好啦！只要喺 2021年4月1日至2021年6月30日期間首次提取貸款，可即場獲獎賞現金高達港幣$5,000 ▲！

利用轉數快，足不出戶就完成手續，仲可以實現貸款瞬間過數^，星期日都照批★！。

立即申請： https://bit.ly/2ANcJlS

推廣期由2021年4月1日至2021年6月30日 (包括首尾兩天)

須受條款及細則約束，詳情留意邦民日本財務( 香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199