近日有網友爆料喺香港飛無錫嘅飛機上偶遇王菲女兒竇靖童（童童），佢應該係會合正喺無錫錄製綜藝節目《幻樂之城》嘅媽咪王菲，兼會喺節目中會客串演出。從飛機拍到嘅童童照片中，佢係身穿印花衛衣，頭戴鴨嘴帽，著嘅帆布鞋就一隻係綠色，一個係黑色，不過綠色嗰隻鞋就污糟，變黑埋喇！見佢一個坐經濟位，同普通人一樣靠窗位坐，一時睇下手機，一時又聽聽歌，全程好安靜，但見佢飲水時，攞住嘅搪瓷杯，呢隻肯定係佢自己嘅私家杯，喺淘寶搵搵，大約價值10蚊。

其實童童同阿媽真係好唔同，王菲出入都係豪華房車，搭飛機坐頭等，全身係名牌服裝，個女就好鬼平民化，好似今年春節童童陪周迅回老鄉過年，兩個人都係坐經濟位，諗唔到童童同周迅近年走得咁埋，陪春節回鄉過年應該係周迅老公做嘅事，童童幫高聖遠做埋，佢兩個嘅交情都幾好，其實高聖遠一路喺台北住，而周迅又長期喺大陸，兩個人嘅關係有幾親密都諗到。

精選娛聞，喺晒《娛果》
http://fb.com/appledailyent