【北海道地震】GLAY主音TERU老家停電 赤西仁願天災遠離日本
藤原紀香北海道地震赤西仁
日本經歷風災後,今晨北海道發生6.7級強烈地震,不少日本名人都在網上求為災民祈福,以及為家人報平安。
娘家在大阪兵庫嘅藤原紀香,先報告家裏情況,指屋企經過風災後一度停水停電,雖然現時終於有電,亦慢慢有水,但唔知要花幾耐先可以恢復舊貌。紀香再說明睇到新聞,看到北海道於風災後再遇地震,盼大家可以盡力幫助有需要嘅人。至於KAT-TUN前成員赤西仁亦在Twitter留言,盼關西與北海道人士都平安,亦盼上天保佑,唔好讓天災再來襲。
GLAY成員TERU於北海道函館市出身,佢曾經一度話與屋企人失聯,最後知道家人平安,其家人只因於地震時太慌忙將手機在家中就跑到室外,又指知道有餘震,好擔心。TERU話北海道現時好多地方停電,包括自己屋企,佢指現時手機好難充電,呼籲大家聽電台留意最新情報。另外,Morning娘前成員保田圭今日現身活動時,亦話知道舊隊友都係北海道出身,因此非常擔心。
精選娛聞,喺晒《娛果》
http://fb.com/appledailyent
北海道災情嚴重,不少藝人都留言祝願災民平安。 (美聯社)
北海道出身嘅TERU,話屋企現時停電影,幸好家人平安。
保田圭今出席活動,話知道舊隊友都係北海道出身,因此非常擔心。