蘇玉華、張之珏、楊英偉、譚偉權同鄭丹瑞等，今日到浸會大學，出席舞台劇《小城風光》籌款場記者會，籌款場將於11月12日假新光戲院上演。

蘇玉華表示，劇目由鍾景輝一眾徒弟徒孫擔演，該劇會上演10場，蘇玉華說：「今次係向King Sir(鍾景輝)致敬，好榮幸可以參與，故事係講人生必經階段，生老病死，10年前我喺紐約睇過呢齣劇嘅英文版，今次再同謝君豪、李司棋等再合作，劇中講述大家點面對死亡，我喺劇中有一個15歲嘅女，而李司棋就飾演我嘅親家。」