何家四房公子猷君，最近大方公開認同少女標本嘅袁紫僑(Coco)拍拖，今晚猷亨同家姐超盈、仲有媽媽四太梁安琪，就去到ifc出席「Bellissima Italia文化節電影《地獄解碼》慈善群星首映禮」。

《地獄解碼》由湯漢斯主演，今次慈善映禮超盈文化有份贊助，同時問到擔任美麗意大利節副主席嘅超盈鍾唔鍾意湯漢斯？佢就話覺得戲中好多場景都係意大利，可以用後生嘅形式介紹意大利。另外，好欣賞湯漢斯做嘅戲，因為每一套戲都要思考。

問到之前里安納度係咪搵過超盈拍戲？佢話：「之前喺慈善晚宴見過佢，佢話咁啱嗰套戲唔啱中國人角色。就算我唔拍食個飯都OK，反正都係捐錢俾慈善機構。」

另外，四太都有讚超盈話：「好多謝傳媒，超盈有今日有輕微嘅少少成就，全賴佢嘅努力，同埋多謝傳媒嘅支持。」