「我有諗過佢哋點解唔要我，但過咗咁耐已經唔重要，我只想知道佢哋依家生活好唔好！」28歲的陳先生跟其他小朋友一樣有個快樂的童年，但對他來說，快樂得來不易，因為初生不久便遭親生父母遺棄，由清潔工發現再由一對夫婦領養。養父母對他視如己出愛護有加，直至小六告知領養真相。他緊記養父母之恩，直至近年養父母相繼病故，他才萌生尋找生父生母的念頭，希望再見血緣至親，但連自己姓甚名誰都不知道，他知道成功機會緲茫，但亦要一試。

記者：徐雲庭 關英傑

陳先生的身世要由一張舊剪報說起：1992年8月26日早上8時許，一名清潔女工在元朗青山公路政務處一樓梯間發現一名男嬰，當時棄嬰身上沒有任何證明文件，姓甚名誰一律不知，隨即由警員送院，社署其後安排他入住專門收留孤兒的黃大仙竹園兒童院。

醫護人員僅憑男嬰的身高體重推斷他年約1歲，並擬定他的出生日期為91年8月1日。數月後，警方曾發相替他尋找父母親人，但亦音訊全無，身世成謎的他繼續在兒童院生活。

93年4月，社署安排一對姓陳夫婦領養這名棄嬰，本來無名無姓的他隨即成了陳家小孩，亦改寫了他的上半生。訪問當日正值農曆新年前夕，陳生帶同那張發黃的舊剪報、領養文件，去到當日他被發現的青山公路元朗政府合署，跟記者敘述生平。

做飲食業的陳生已為人父，28歲的他育有一對1歲及4歲女兒，他遺憾地說，自己連親生父母的姓名等最基本資料都沒有，深知今次尋親的成功機會渺茫，但還是希望一試，了結心願。

他說，印象中「我嘅成長其實同一般小朋友無分別，都有爹哋媽咪錫。佢哋當我親生仔咁，親戚朋友都對我好好」。他最記得，「我細個好鍾意車，佢哋成日買車畀我，佢哋對我嘅愛好多好多，幼稚園、小學、中學都成日陪我玩、陪我讀書。」

至於身世大白一幕發生在小六畢業之後、升中學之前，揭謎者正是養父母，他指那天是平常的一天，或許養父母覺得他已滿12歲，有權知道自已的身世。那刻情景，16年後的今日仍歷歷在目，他說當時「氣氛有少少嚴肅，當佢地畀我睇啲資料，睇完之後有啲失落。最初未畀資料我睇，當然唔信，佢畀咗兒童院嘅相，同社署資料我咪信囉！」他憶述，「當時有啲愕然，估唔到會係咁，反應唔係好大，但到夜晚喊出嚟。」

他續稱，「佢地畀咗份剪報我睇，係當年我俾人遺棄嘅剪報，話呢個BB仔就係我，跟住佢哋畀咗社署文件我，當時資料係入竹園兒童院，當時嘅相係92年11月，住咗3、4個月！」

當年他一度入住的竹園兒童院已於2003年7月關閉，被遺棄的元朗政務處仍有人辦公，童年往事他坦言記憶不深，連3歲才懂說話的往事亦是養父母告知，「我3歲幾先識講嘢，大個咗佢哋同我講返，我突然有日講咗句嘢『咩嚟嫁？』」，他們聽到後十分驚奇，才說這是我說的第一句話。對養父母，他說即使知道自己身世仍然敬重如昔，他坦言「佢哋對我無特別期望，只想我做個有用嘅人。」

中學畢業後，「19、20歲做嘢，做餐飲業，初出嚟做嘢人工唔高，家用都係象徵式。佢哋都好開心，佢哋都唔想我咁早出嚟做嘢，想我讀多啲書。」無奈的是養父母分別於2013至16年內先後確診肺癌，兩人於15及17年先後去世。他說養父母去世時剛剛60出頭，自責未能陪伴太多，「我始終覺得我陪佢哋時間太少，報答佢哋時間太少。」

「爹哋好鍾意按摩，我當時好想買張按摩椅畀佢，但係冇買到，因為屋企地方細！出嚟做咗3、4年嘢，爹哋就發現有毛病(患上肺癌)，當時真係好唔開心。」他指，養父母去世對他打擊很大，「估唔到佢哋唔係好大年紀就走咗，我其實係想同佢哋去多啲地方玩。」

他其後結婚成家，還當上爸爸，領悟為人父母不容易，深深感受養父母的大愛，對他這個沒血緣兒子疼愛不減，「睇返啲相，（細個生日時）一齊同我食蛋糕，我有好多玩具，佢哋都係好疼錫我。」

「想搵返親生父母嘅想法係成年之後就有，養父母喺度嘅時候就唔想做呢樣嘢住。」直至兩人先後去世，「我是誰」這個一直在腦海盤旋的問題再次浮現，他試過到尋人網頁求助亦音訊全無。

訪問中，他取出當年社署發給養父母的領養文件，他說自己連生父、生母的姓名是甚麼都不知道，自己有無名字更不知曉，即使領養文件上的名字「古輝」，亦只是兒童院的人員暫時代改的，對自己成謎的身世，他是萬分無奈。不過，他指當年若非被養父母收養，一生可能改寫，「冇佢哋真係冇我！可能就喺兒童院大！」但他指若親生父母仍在生、若當年他們都是未成年，現時可能只是40餘歲，他希望對方若有緣見到這段報道，可以跟他相認，他理解或許大家各有生活，但「我只想知道哋依家生活好唔好？」

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568