【綠帽事件新發展】喜多嶋舞唔認出軌賴DNA出錯
蘋果日報 2015/12/08 06:00
蘋果即時DNA親子鑑定大澤樹生光GENJI喜多嶋舞
大澤樹生發現個十幾歲大阿仔唔係自己親生之後，前妻喜多嶋舞開腔受訪，否認有出軌。- 喜多嶋舞接受雜誌訪問，堅決話阿仔份DNA報告出錯。
- 喜多嶋舞越描越黑，被網民勁鬧。
- 大澤樹生上年開記招交待事件，講到養咗十幾年先至發現阿仔唔係自己親生，喊到好淒涼。
日本80年代爆紅組合光GENJI成員大澤樹生，上年爆出戴綠帽十幾年懵然不知事件，佢同前妻喜多嶋舞之間嘅囝囝，去到十幾歲之後，大澤先至起疑心，覺得阿仔冇樣嘢似自己，喜多嶋舞更曾飲醉酒時話個仔唔係佢嘅，於是大澤去美國驗DNA，終於證實個仔同佢冇血緣關係，早排東京家庭法院亦判定大澤同兒子冇親子關係。
而大澤前妻喜多嶋舞，接受今日出版嘅雜誌《婦人公論》訪問，仲繼續死撐，話自己第一個拍拖對象就係大澤樹生，個仔係大澤樹生嘅，佢仲話個DNA鑑定結果係錯喎，又話好希望再驗多一次證明自己清白。已經有好多年冇工開嘅喜多嶋舞，亦宣佈會正式推出演藝界，話咁樣都係為咗家已經18歲嘅阿仔設想。大澤被問到前妻受訪一事，佢淨係話：「唔知內容講乜，算啦。」而喜多嶋舞就被網民狂鬧，指佢如果係清白，就一早再去驗DNA，點會到現時仲得把口講，冇實際行動呀！
而大澤前妻喜多嶋舞，接受今日出版嘅雜誌《婦人公論》訪問，仲繼續死撐，話自己第一個拍拖對象就係大澤樹生，個仔係大澤樹生嘅，佢仲話個DNA鑑定結果係錯喎，又話好希望再驗多一次證明自己清白。已經有好多年冇工開嘅喜多嶋舞，亦宣佈會正式推出演藝界，話咁樣都係為咗家已經18歲嘅阿仔設想。大澤被問到前妻受訪一事，佢淨係話：「唔知內容講乜，算啦。」而喜多嶋舞就被網民狂鬧，指佢如果係清白，就一早再去驗DNA，點會到現時仲得把口講，冇實際行動呀！