41歲的阿明與內地妻子結婚後，一年多前誕下精靈可愛的兒子，本來一家三口，是一個幸福家庭，只是阿明患有小兒麻痹症，未能工作，兒子出生後經濟負擔大增，令一家生活頓陷困境。
阿明於9歲時患上小兒麻痹症，自始不良於行，需使用柺杖輔助。他於5年前認識內地妻子，早前在廣西南寧註冊結婚，一年多前更誕下麟兒。只是他萬料不到，兒子出生後，經濟重擔會壓得他透不過氣來。
「我以前自己一個人，靠政府傷殘金生活，都算過得去，但係自從結婚同細路出世之後，就真係唔掂。老婆仲喺申請緊落嚟，𠵱家喺廣西住，兩頭住家，屋企樣樣嘢都要錢，尿片、奶粉、睇醫生等，開支好大；有時唔掂，向朋友同街坊借，借咗又無得還，佢哋仲點會再借畀你！」

兒子綜援金被削減

阿明說，由於他行動不便，現在須使用輪椅，根本不能獨力照顧兒子，故兒子需留在內地由母親照顧，惟兒子因留港時間不符規定，致令兒子的綜援金被削減，令他們生活更加困難。
「其實我老婆都有申請雙程證，帶埋細路嚟香港住，又可以照顧我，但係老婆有地中海貧血病，要搭十幾個鐘頭巴士先嚟到香港，所以都唔係成日嚟。」
由於綜援金不足，近日阿明未能應付拖欠的水、電、煤氣等費用，在明愛荃灣社區中心轉介下，阿明向蘋果基金求助。蘋果基金得悉阿明困境後，即撥款8,000元助其清還欠繳的費用，及助其一家三口應付短暫生活費。
捐款編號：C2112