五十六歲地盤工人范立華，一生勞碌，近幾年更飽受病魔折騰。患有心臟病、糖尿病及肺病的他，日前不幸病逝。華叔身後蕭條，四名子女相繼失業，無力替他辦理身後事。蘋果日報慈善基金即時於「殮葬專戶」撥款援助。

自從華叔身故後，他的四名子女四出奔波，希望為亡父盡最後一點力，其中次子阿坤更千里迢迢返到內地家鄉籌措殮葬費，可惜籌到的錢，距離實際費用仍然相差一大截。「香港親戚唔多，個個環境都唔好；爸爸鄉下啲鄉里亦都好窮，想幫都幫唔到幾多。」阿坤愁眉苦臉說。

百病纏身提早退休
范家經濟條件一直欠佳，活在赤貧之下。華叔生前為地盤工人，但自從數年前弄傷手，動過手術之後，他已甚少開工；近兩年，華叔健康情況愈來愈差，百病纏身，惟有提早退休，在家中養病，生活費由子女輪流支付。
華叔的長女阿雲透露︰「爸爸呢幾年身體好差，心瓣有事又唔肯聽醫生講去做手術；後來又得埋糖尿病，日日要喺肚皮打胰島素針，最近幾個月連個肺都有唔妥，醫生話佢肺積水，我睇見爸爸真係病得好慘、好辛苦。」