美麗在望：鬥還固風吹雨打都企硬

蘋果日報 2005/09/12 00:00

香港呢幾個月的天氣非常唔穩定，朝早出街明明陽光普照，到咗下午卻傾盆大雨，頭髮有可能受唔住風吹雨打而下塌。遇到咁嘅情形就需要一隻即使橫風橫雨，都可令頭髮屹立不倒的髮泥，來維持至cool髮型。經過一輪真人測試，我哋終於搵到真正嘅「硬泥」。
記者︰黃若茵
攝影︰陳陶鈞
Models︰Henry、Tommy@starzpeople　
要測試至堅髮泥，我們分別從髮泥的堅硬度、受風度和受水度作測試，還會看看經風和水「摧殘」後，頭髮能否很易回復之前的造型。
測試方法
1.受水度︰用噴水壺將模特兒已塗上髮泥的頭髮噴濕，睇吓頭髮有否變軟倒下。

2.受風度︰把塗上髮泥的頭髮被強勁風筒（1800W）吹1分鐘後，看看造型的走樣度。

3.還原度：經風吹雨打後，嘗試將頭髮弄回之前的造型，看看能否還原。

以★★★★★為最高分
empty
empty
GATSBY造型髮泥還原度超強
堅硬度：★★★★1/2
試後感：Tommy覺得GATSBY黏力非常好，而且持久度高，自己都有用。
噴水︰好似冇事發生咁，依然堅挺。
還原造型：只要用手將頭髮撥起，便可即刻變回原形，風雨點吹打都唔怕。
還原度︰★★★★★
empty
■$32（a）
empty
■聽聞不少男生都愛用，因為質好堅硬度強，而且易於造型。
RUSK原始風格造型泥防曬護髮
堅硬度：★★★★
試後感：Henry覺得髮泥比較乾身唔黏手，用後重好易清洗。
風吹︰吹了一分鐘後，頭髮都被吹歪了。
噴水︰頭髮濕晒都冇塌下來，夠硬淨。
還原度︰★★★★
empty
■$136（e）
empty
■咁近鏡都唔見白點，果然乾爽。
empty
■唔止髮泥咁簡單，還含防曬成份保護頭髮，而且亦易於造型。
empty
■還原造型：雖未能還原至本來的造型，但仍可造出堅挺效果。
IDA水溶塑型髮泥似布甸
堅硬度：★★★★
試後感：質感方面，Henry話似布甸，軟腍腍。
風吹︰頭髮被吹得好散，再無黏着的造型及效果。
噴水︰頭髮立即塌下來，果然係水溶性，乜都溶晒。
還原度︰★★★
empty
■造型方面都幾有效，頭髮條條豎起晒。
empty
■造型方面都幾有效，頭髮條條豎起晒。
empty
■還原造型：頭髮依然豎得起，但個質感完全唔同，頭髮散開晒。
TONI&GUY強力瞬效髮泥支裝夠方便
堅硬度：★★
試後感：Tommy用後覺得質地比較油。
風吹︰頭髮變得亂七八糟。
噴水︰不少頭髮都因濕水軟化而下塌。
還原度︰★★
empty
■$135（b）
empty
■用咗好多髮泥都唔夠力撐起頭髮。
empty
■還原造型：個型完全唔見咗，點整都整唔番。
雅德狂野髮型專用髮泥頭髮好令
堅硬度：★
試後感：Tommy覺得這款髮泥搞到頭髮好污糟。
風吹︰濕水前一吹就塌，但濕水後好堅挺，吹極都唔塌。
噴水：濕咗反而更造到效果。
還原度︰★★★
empty
■頭髮豎極都唔起，髮尾跌晒落嚟，又無啞色效果，用完頭髮勁令。
empty
■還原造型：頭髮被噴濕，反而點整都得。
LUCIDO-L動感造型髮泥質似泥膠
堅硬度：★★★
試後感：Henry話質地好似泥膠，但用上去效果唔錯。
風吹︰頭髮跟住風吹方向歪倒。
噴水︰還能維持髮型。
還原度︰★★1/2
empty
■$32.9（c）
empty
■LUCIDO-L是GATSBY新出的一條line，不過造型就唔及GATSBY咁強。
empty
■還原造型：好難回復原來造型，因為頭髮向各方歪倒。
Faddy定型髮糙髮泥始祖
堅硬度：★★
試後感：Henry話夠啞色，但摸上手就油咗少少。
風吹︰頭髮都被風吹扁咗。
噴水︰仍然維持到外形。
還原度︰★★
empty
■$29.9（a）
empty
■咁多白點實俾人誤會係頭皮啦。
empty
■Faddy係最早期的髮泥產品，不過效果麻麻，頭髮整極都唔挺喎。
VO5啞色造型髮泥硬邦邦
堅硬度：★
試後感：Tommy指髮泥過硬，令頭髮變到似蠟燭咁硬邦邦。
風吹︰頭髮亂得緊要，像打風一樣。
噴水︰本來硬直的頭髮有軟化迹象。
還原度︰★
empty
■$46.9（d）
empty
■髮泥較軟身，頭髮挺唔起喎。
empty
■還原造型：點整都係咁亂，完全不能將頭髮豎起。
男生至愛
empty
■Pak：GATSBY最好用，持久力強，又造到個型，而且夠啞色。
empty
■Jason：一直都用開Faddy，雖然好黏手，又比較難洗得乾淨，不過用開有感情。
查詢
（a）卓悅23751382

（b）BOOTS27389140

（c）屈臣氏25770081

（d）萬寧27244605

（e）RUSK27978899