紅姑亳不隱藏對亡夫朱家鼎的愛,直言心裏面空間只夠容納這位守護天使,她說:「點可以有感情生活?日日畀狗仔隊影到,難啲囉。」依然深愛先生?紅姑想也不想說:「唔使講,佢係我家嘅守護天使,佢成日喺我心入面,所以唔係好多位容納其他人,我已經太多嘢鍾意,種花、煮嘢食同旅行,我太鍾意一個人生活。」
紅姑十分享受現時的單身生活,問她會有寂寞一刻嗎?她說:「我唔會有,我太熱愛生活,唯一覺得寂寞就係掛住佢(朱家鼎)嘅時候,想有人同我分享某啲嘢。如果佢喺度就幾好,有個人同我咁夾、同我睇法一樣,可以同我分享。分享都要有個人明白你,寂寞嘅時候就係想分享時,希望佢喺度。」紅姑說時眼泛淚光,她說:「𠵱家都想喊,所以唔講得。」
採訪:羅慧敏
攝影:周樂恒