【佛山直擊】無綫舉行嘅2008香港先生選舉12位參賽者,噚日喺佛山雅居樂花園嘅室內籃球場繼續拍攝外景,少年組同盛年組即場分成兩隊比賽,嘉賓湯盈盈同王君馨喺場邊為兩組打氣。
現場所見,盛年組7號陳世強同9號呂熙都屬於好波之人,但少年組只有1號黃晉業一個人好波,佢仲連入四球,但得佢一個人撐住,所以比較吃力。2號招天佑、4號陳冠標、6號羅天宇同8號何君誠球技都麻麻,其中陳冠標塊面仲慘食波餅,不過好彩冇受傷冇毀容。至於湯盈盈好冧嘅12號朱允崇,雖然打波唔係好叻,不過反應幾敏捷,但比賽途中一度跌倒,好彩同樣冇受傷。結果由盛年組勝出。