非洲豬瘟蔓延至廣東省珠海市，《蘋果》翻查數據，相比豬瘟爆發前，現時每擔豬肉的拍賣價，已上升15%。根據食環署每日活豬供應數字，今年8至12月平均每日有3,000至4,700隻內地活豬供港，本地活豬則有230至400隻。至於同期每日平均拍賣價，則介乎每擔1,195元至1,552元。若以每月平均拍賣價比較，近月價格則明顯上升，7月未爆發非洲豬瘟時，活豬每擔月拍賣平均價為1,162元，至10月每擔價升至1,350元，上月則輕微回落至每擔1,341元。今日（19日）則有4,018隻內地活豬及261隻本地活豬供應，平均批發價每擔1,219元。

供港活豬拍賣價 3個月升16%

香港農業聯合會主席陳建業表示，自非洲豬瘟在內地爆發，活豬批發價平均上升約10%，但零售價一般會滯後，故暫時仍未見豬肉售價上升。但他指，今日珠海爆出有小農戶中招，顯示廣東省已失守，情況亦越來越危險，若疫情進一步擴散，連供港豬場都中招，豬隻供港數目減少，屆時豬價一定會上升，但難講升幅多少，不過他相信不會全面禁豬，「粵東、粵西、粵北都有供港豬場，如果中招，可能到時係一區區禁」。

他又指，觀察到內地近日供港豬隻質素有所下降，「肥咗啲，以前呢啲質素內銷多」，相信是廣東省因應疫情，禁止外省豬供應當地，廣東省豬隻內銷需求增加，豬隻供應緊張，豬隻不足下，質素較差亦要運港。

香港豬肉行總商會理事長許偉堅則指，非洲豬瘟已存在一段時間，今年亦不時有內地豬場，傳出爆發非洲豬瘟，但今次珠海豬場受感染的豬，僅十多隻，為數不多，暫未有大規模爆發跡象。他指，豬肉零售價暫時未受影響，瘦肉每斤仍維持在40元至50多元之間，「基本上全年都係咁穩定，街市嘅價格亦唔係點波動」。

他又指，本港檢驗檢疫把關工作非常嚴密，「有非洲豬瘟嘅豬隻，其實表面係可以睇到」，相信受感染豬隻流入市面的機會極低。但因為現時沒有預防非洲豬瘟的疫苗，不排除內地繼續有豬場爆非洲豬瘟，「你諗吓，全中國有成7億隻豬喎」。