王賢誌（Vinci）、鄭欣宜、蔡加怡、樂瞳、杜德偉等，噚晚喺會展出席「愛心滿東華慈善晚會」，Vinci前年同拍拖7年嘅男友Kevin喺加拿大結婚，公開同志身份嘅佢，講到Eric Kwok「恐同」事件（新聞連結： https://bit.ly/2O1DzIF ），搞到藍奕邦都忍唔住喺網上發千字文質問Eric（新聞連結： https://bit.ly/2QfcSSf ），之後又到林作加埋把口做架樑（新聞連結： https://bit.ly/2CBn0lv ），Vinci話：「其實藍奕邦已經好詳盡解釋咗，佢覺得有被歧視同唔舒服，其實呢兩個人我都識，不過唔係好熟，大家說話上都應該小心啲，唔只係性取向問題，係所有嘢，講嘢令人唔舒服應該三思。」

認唔認同藍奕邦嘅講法？Vinci話：「都係嘅，藍奕邦同Eric私下有講過，但唔知語氣係點，所以唔方便評論，ViuTV個節目我有睇過條片，其實我唔清楚，喺我過往經驗入面係有發生過呢啲事，有時朋友講說話，我都會諗係咪有意冇意話緊我呢？擺我上枱呢？係咪取笑緊我性取向呢？不過喺我公開咗身份同結埋婚之後，反而好好多，已經冇負面聲音，社會需要進步，大家應該互相包容，講嘢嘅人要小心啲，接受嗰個亦應該放輕鬆。」

問到Vinci會唔會鼓勵藍奕邦公開真正身份？Vinci話：「其實佢好似冇正式咁公開過，呢啲冇得鼓唔鼓勵嘅，睇番每個人情況意願。」佢又話都同意藍奕邦嗰句「Kicking someone out of the closet is just pure evil.」（逼人出櫃簡直係惡魔），Vinci話：「我都同意，唔應該逼人哋，每個人有自由，大家唔應該睇呢樣嘢咁重要，無論嗰個人係gay定雙性戀都好，其實感情生話都唔關大家事，唔應該逼人。」

身為東華主席嘅Vinci又舉例，早前東華有分享會，員工有反映過一啲問題，：「員工問，如果有同志喺外地結婚，東華會唔會提供福利，我都讚成應該要有，但有好多實行上問題，我今年係主席，加埋我嘅身份，都好想照顧到唔同性取向嘅員工，唔應該逼人哋去承認自己，但希望佢哋唔好再講落去。」

精選娛聞，喺晒《娛果》
http://fb.com/appledailyent