【荼毒女友】吳浩康認愛與崔碧珈做運動 強調做足安全措施
蘋果日報 2019/12/03 16:15
吳浩康山地單車崔碧珈
（左圖攝影：馬建華）
早前曾經因為社會動盪，曾考慮取消年底演唱會的吳浩康（Deep），今日到商台宣傳新歌《愛沒懷疑》，他透露跟公司商量後，大家都渴望能夠開騷，於是最終決定如期於本月30日假旺角麥花臣場館舉行。Deep坦言沒有再想擔心開騷受阻的事，反而是專心做好準備，兩個月前經已練歌、練聲及練體能，務求以最佳狀態演出，因為今次主要以歌會友。
Deep表示最近為了加強做帶氧運動，開始踩山地單車，每次都踩2、3小時，問到何有佩戴保護裝備？他說：「當然唔戴頭盔、護膝係有型好多，但如果咁大個人炒車（受傷）先低能，所以梗係有戴。」Deep笑指女友崔碧珈已經被他荼毒一齊踩，他更送了一架山地單車給女友。
講到新歌是他多年來少有的情歌題材，Deep說：「之前有錄過，但效果唔好而咁多年都避開呢個題材，而今次寫到唱到，絕對關佢（女友）事，多謝佢。」
採訪、攝影：馬建華
Deep宣佈如期在本月30日舉行演唱會。
他透露為鍛煉體能，近日多做運動，更影響到女友與自己一起踩山地單地。
Deep近日多在IG貼出踩單車的照片。（IG圖片）
Deep（左）稱有為踩單車做足安全措施。（IG圖片）