全城禁聚 │開泳池唔開球場 籃球教練批政府不理解團體運動
蘋果日報 2020/09/16 17:07
限聚令球場重開蔡曉慧游泳重開劉嘉豪籃球
政府今宣佈放寬部份限聚令措施，惟球場重開無期。資料圖片
政府今日宣佈放寬防疫措施，泳池得以重開，然而球場解封依然無期，球類愛好者大叫無癮，有籃球教練認為上一波疫情緩和時，球場乃最後重開的設施，因此早預料政府會延續封場令。
自農曆新年起，泳池僅於五月底短暫重開個多月，今終迎解封日，政府規定泳池戴口罩及保持距離，前港將、游泳教練蔡曉慧認為措施合理，「仲有四人限聚令，我仲搵緊泳池，不過開返都好好，慢慢恢復正常啦。」她指限聚令下訓練模式或有變，但亦可設計訓練計劃至四人一組。有人歡喜有人愁，球場繼續關閉，籃球教練劉嘉豪指有心理準備，「都估計到球場唔會重開，因為而家仍然係四人限聚，管理上佢唔想搞咁多嘢，都係可理解嘅，好似第二波疫情時，球場都係最後階段先開。」雖然體育業界曾提倡不同防疫措施爭取有限度重開球場，惟球場依然重門深鎖，他批評政府高層不理解團體運動，誤以為球類只重身體對抗，「籃、足、排球都可以做無身體接觸嘅個人訓練，但政府高官觀念好似係覺得團隊運動淨係得身體對抗，唔理解我哋，一講就覺得多人要除口罩會危險。」
劉嘉豪認為政府誤以為團體運動僅重身體對抗，不理解團體運動同樣重視個人訓練。資料圖片
游泳教練蔡曉慧指限聚令下，可設計訓練計劃至四人一組。資料圖片
-----------------------------
《體蘋果》陪你睇波講波
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！