聽講金融服務界選民近日陸續收到金勞詹電話,話自己準備競選連任,叫大家多多支持。
老實講,喺金融服務界出得嚟選嘅人,通常都係證券行老闆,個個有頭有面,睇番04年立法會選舉結果,金勞詹得票275張,其餘四個對手加埋都只係得257張票。金勞詹走勢咁凌厲,仲邊有人夠膽出嚟選吖,專心搵錢仲好啦,面子要緊。
金勞詹08年已經係自動當選,市場成日有風話邊個邊個出嚟選,聽講都係金勞詹試水溫啫。唐營嘅金勞詹最近投票反對「五屍實死局」呢個打尖議案夠晒爆,至少俾人知道佢有做嘢,CY喺立法會收爐前畀個機會佢表演,認真唔話得。