何君堯做足總董事已有一段時間,早喺2015年、即係佢成為立法會議員前一年嘅足總董事會選舉,佢都成功連任,任期至今年。而何君堯嘅最新利益申報,原來8月時表明冇做足總董事。再睇埋足總網頁,原來早喺今年6月底嘅足總董事會選舉中,何君堯已經冇再參選,任期滿咗就自然退位,事實上足總5月發出嘅候選人名單,亦已經見唔到何君堯個名。
講真吖,7.21事件後,連傑志球隊喺多年前幫過何君堯助選都被人拎返出嚟講,搞到傑志會長伍健要出嚟話同何君堯冇私交,其後有球迷仲話足總唔應該畀何君堯做足總嘅法律事務委員主席。同何君堯有啲距離,可能都令人唔會「好困擾」。