韓國綜藝節目《RunningMan》（RM）女星宋智孝於節目中多數以簡樸嘅輕便裝束現身，不過於噚日播出一集中，佢就穿上黑色透視裝，令Gary跟李光洙都望到眼定定。

節目中，宋智孝展現出跟平時不同嘅魅力，穿上一身黑色透視連身裙登場，見到智孝出場嘅Gary即時被征服，光洙亦即感嘆：「哇，真係好唔一樣啊！」

之後光洙跟智孝一組，光洙不停望向智孝，令智孝都忍唔住表示：「佢（光洙）一直用好奇怪嘅眼神望我啊！」光洙就立即解釋：「唔係呀，我以為你呢件係肉色衫，冇諗到真係肉啊！」即時引起爆笑。