當年今日
關於我們

肥仔獻殷勤惹禍
Stephy爆新歡激嬲老婆

蘋果日報 2009/10/22 06:00


金牌大風一姐鄧麗欣前晚由高層陳輝虹、「正印」男友方力申及梁漢文等護駕下,現身尖沙嘴帝樂文娜公館的雜誌派對活動。問到Stephy有報道她上星期生日派對,有肥仔新歡揸Benz獻殷勤,為保護她不惜醉酒駕駛撇甩記者,Stephy即劃清界線說:「佢唔應該醉酒揸車,都係一時大意,我同佢識咗好耐,佢結咗婚,唔會破壞佢家庭,加上我都唔鍾意肥仔。」

「我成日Hurt佢」

記者笑言她的言論十分hurt她的好友,她亦笑笑口表示:「我成日hurt佢,我哋好熟,我唔鍾意佢類型,同佢冇嘢,呢件事之後我都有發短訊畀佢,知佢老婆都嬲咗佢。」在旁的「正印」方力申亦笑言:「我都識得佢,幾年前的生日聚會見過。」對於指他與「情敵」鬥獻殷勤,他即表示:「唔會,我只會做gentleman嘅嘢,好似請食飯,唔會特別獻殷勤。」對於日前有指宿敵Theresa(傅穎)與棒棒堂的敖犬拍拖一事,事業愛情皆得意,Stephy即有骨地表示:「咁咪好,如果係嘅話。」
此外,黃柏高(Paco)前晚到九展出席《潘作良》首映禮時再次否認離巢傳聞,並指自己將會全力發展金牌大風的電影,首要任務就是和邵氏合作的電影。對於Cookies四分五裂,Paco臉帶感慨說:「我唔方便回應,總之家係個新挑戰,明年會拍3、4部電影。」
採訪:羅慧敏、楊潔雯
攝影:羅慧敏、彭琮然