雨僑、Jeana（何佩瑜）與Celia K.（郭穎兒）及導演胡耀輝，前晚為電影《猛龍特囧》到蘭桂坊宣傳，同行還有10位參加網絡男神選舉的候選人。三女現身時現場即時起哄，不少遊客及龍友一擁而上。當中以Celia K.最性感，露出深長事業線及缽仔糕搶鏡。
最近Celia K.被指搭上文詠珊（Janice Man）舊愛李冠峰，但前日本報讀者李先生透過本報「爆相爆片」指李冠峰被貼街招唱衰，前晚Celia K.被問到此事時，卻與李冠峰撇清關係，她否認戀情說：「上次只係一大班朋友一齊飲酒，玩得好開心，寫到出嚟，阿媽仲差啲話要買龍鳳鐲畀我。」她強調斬纜不關對方被貼大字報一事，她又透露李冠峰周末都會到老蘭。

Jeana自爆有老外追

Jeana自言18歲時就在老蘭一餐廳打工，她笑說：「嗰時有位經理追過我，成日同外籍人士交流英文，不過就唔係剛才見到嗰個經理。」完成工作後，一行10多人到樓上一間夜場大玩類似極速約會，順便拍宣傳片段，她們在場內飲得非常盡興，雨僑玩到大晒事業線。見Jeana與胡耀輝經常密密斟。各人在夜場暢飲完後，再落到老蘭拍攝，Jeana與Celia K.分別有兩名女助手陪同，Celia K.更有助手專責擔遮，排場十足，相對雨僑只有一宣傳人員陪同。三女與胡耀輝一字排開，男神參賽者就站在背後，各人浩浩蕩蕩由老蘭斜路向下行，甚有電影《喜愛夜蒲》feel。
採訪：梁繼光、馬建華
攝影：陳慧安、吳耀輝