【小鮮肉幫唔到手】鄭秀文戲院謝票被圍 盼大家：有話好好說
蘋果日報 2019/09/18 15:53
戲院謝票鄭秀文
鄭秀文（Sammi）主演的《花椒之味》於中秋節上映，登今年港產片開畫首日票房No.1。日前Sammi聯同戲中火鍋店小鮮肉夥計「蕃薯」麥子樂和「蘿蔔」盧鎮業，驚喜現身戲院謝票，觀眾突然見到Sammi，一擁而上包圍，不過Sammi依然好淡定。另有一場是任賢齊Fans包場，雖然小齊不在，但個個捧着「齊」字牌以示支持，還向Sammi齊聲讚電影好睇，Sammi承諾會轉告小齊，讓他一同感受喜悅。
穿梭多間戲院，Sammi相當着緊觀眾的觀後感，她希望觀眾透過電影，令心裏有更多的愛和正能量，可以暖暖人心，大家都帶着一份愛，Sammi說：「呢部電影適合同屋企一齊睇，或者請家人嚟睇。電影中有好多值得反思嘅情節，無論咩事都好，對家人都要『有話好好說』，原諒、寬恕、釋懷、放低，呢啲訊息都係我哋人生最重要嘅課題，希望大家睇完電影，帶着一些反思、帶着一些愛回家，好好咁去愛身邊嘅屋企人！」
Sammi帶同麥子樂和盧鎮業入戲院謝票。
現場觀眾見到Sammi都好驚喜。
Sammi、麥子樂和盧鎮業和小齊Fans影大合照。
觀眾爭住同Sammi影合照。
Sammi表示電影帶出重要訊息：原諒、寬恕、釋懷、放低。