「其實呢個情況都好0架喇，我都面對到，如果到我六十歲，卓林卅幾歲，我都唔知點算。」吳綺莉對17歲女兒卓林今日宣佈出櫃，認戀約三十歲同性密友兼加拿大籍網紅Andi，表示感恩，她今午接受《蘋果》電話訪問時，聲線保持正面，多次打趣謂：「如果嗰個係男仔，抱咗個孫返嚟，啲人恭喜我，我仲大鑊。」

吳綺莉表示卓林年紀尚小，需要有更多人生閱歷，她稱：「每個人都有十七八歲，都會拍拖，無論男又好女又好，始終卓林先至十七八歲，我就算十七歲嗰陣，都冇識過個三十幾歲。」

不過Andi暫時無業，兩口子又搬出來住，難免令吳綺莉擔心，她稱：「要一個人養咁多人，唔好啦！好大鑊0架！」她稱兩母女一直有保持聯絡，亦有俾零用卓林：「佢好乖，自己學習緊工作同生活。生命係需要有經歷，要遇到不同嘅人和事，先至長大。」

「如果對方，無論男女，如果事業照顧到佢，我都開心。」似乎吳綺莉為女方經濟能力憂心忡忡。