在觀塘鯉魚門道一商業大廈一單位經營貿易公司的羅先生投訴稱，單位是他四年前以銀主盤購入，水表安裝在門外走廊牆上凹位，由於其公司不用水，故掛在門外走廊牆上招牌蓋住水表。
他說，四年前已要求水務署拆除水表，但水務署稱，必須由原本的註冊用戶申請，水務署始會拆除水表。

「招牌掂一掂就跌低」
「都唔知有冇搞錯，舊業主都係欠人錢，個單位先至變咗銀主盤，𠵱家都搵唔到人啦，點樣取消？佢哋次次嚟抄表，都係冇度數，我哋要將招牌移開畀佢哋睇，好麻煩。」
羅先生稱，今年2月25日他返回公司，竟發現逾五呎高的招牌被放在地上，安裝在招牌邊的電門鐘亦損毀，門外有一張更換水表通知書。「我打電話問水務署，佢哋話個日派人嚟換過個新水表，工人只係掂一掂個招牌，招牌就跌低。」
「個招牌係用螺絲鑲實㗎，點會咁容易掂吓就跌？而且拆咗人哋公司招牌，完全當冇件事，我唔問佢哋都唔交代，做嘢鹵莽又冇交帶。」
水務署回覆本報查詢時解釋，由於有關單位使用的水表屬英制，故必須更換為公制水表，水務署技工於2月25日到上址更換水表時，有關單位無人應門，因此未能通知用戶。