同特首傾過偈 陳太:若林鄭拒為港人發聲 國際角色越被削弱
陳方安生林鄭
前政務司司長陳方安生今午與傳媒茶聚時,透露早前曾與特首林鄭娥會面「傾計」,但未透露會面詳情,「只係同佢(林鄭)傾吓計,話哂大家都做咗好多年同事」,引述林鄭指政府作出「腦震盪」後,政府有一個新辦事作風,強調政府現時是一個團隊,但同時不希望政府內對政策有不同聲音,希望政府能「口徑一致」。陳太指林鄭最近幾個月,的確有與不同階級、界別人士,形容林鄭「你想見佢都會見」,在與各界溝通上表現十分積極。
陳太稱,希望林鄭作為新特首,無論對政策有何看法,都可以真正做到集思廣益,而不是「一言堂」,認為未到最後關頭,特首都應鼓勵身邊人提出真正看法,才能更加反映和符合巿民的需求和要求,「如果連呢啲聲音都唔想聽,全套嘢都係你自己嘅,咁你唔鼓勵到啲好人參政」。
陳太又指,林鄭的講話「有時有啲怪」,處事作風是「好多時靠自已」,但認為林鄭現為特首,有十多萬公務員受其指揮,應該知道如何下放權力,施政過程要令下屬有歸屬感,要珍惜下屬提出的意見,「佢(林鄭)依家覺得好多嘢做,我希望唔係反映佢對下屬無信心」。她認為林鄭可以辭去不稱職的下屬,而不是「乜都自己攬上身做」。
陳太認為,林鄭上任特首近半年,仍未見到積極捍衛一國兩制,認為林鄭未來要盡快說服香港人「佢係企喺香港人嗰邊,但唔係要同中央對抗」。回顧香港過去一年發展,她形容是「負面消息多過正面消息」,認為一國兩制、高度自治、港人自治,過去一年不斷受到削弱,言論自由空間越來越收窄,包括過去可以來港的台灣學者、英國羅哲斯等人都被拒入境。她指林鄭應該要求中央繼續覆行對香港承諾,落實真正高度自治,「佢做一個調停工作,要向中央解釋港人的睇法同關注,包括港人點解關注中央唔畀羅哲斯來港」,明言林鄭若拒絕為港人發聲,香港的國際角色只會越來越削弱。