【中佬唔易做】敖嘉年濕身做外賣仔被鎖車 古明華靠急才sale客話咁易
古明華敖嘉年ViuTV中佬唔易做
古明華和敖嘉年昨晚在ViuTV節目《中佬唔易做》分別被安排做售貨員和電單車外賣速遞,古佬體驗企足7粒鐘工作腰都孿,而敖嘉年就對道路陌生遇上考驗。
昨晚播出第七集繼續直擊二人狀況,敖嘉年除了唔識路就連停車場認知都欠奉,鏡頭交代他去送外賣時將電單車停泊在私家車位置而被鎖車,而吸取過首日開工經驗,落雨兼手提電話冇電後,他翌日改穿上防水上衣及帶足充電上陣。由於雨勢頗大,天雨路滑,敖嘉年一邊開車一邊嗌「好凍呀!」,又唱起歌來:「冷得我騰騰震。」
幾乎全身濕透的敖嘉年堅持頂硬上,其間在馬路上見到有位行家炒車,他即不顧一切上前扶起對方關心慰問。背後看到的古明華感性地說:「比我都一定會幫忙,跌倒最緊要有人扶你起身,唔係搵幾錢問題,係一個生命。」而屢次因唔識路被劇組稱「迷失中佬」的敖嘉年事後分享:「我每次送完外賣後都叫人畀like我,但最終一個都冇,因為唔識路每次都遲到。」看來他還未能做到稱職。
古明華則被安排到傢俬部任售貨員,首要學清潔吸塵,再跟經理阿Ben學習記低梳化、雪房、自組傢俬及不同地枱等尺寸,而且要有一把拉尺傍身,稱之為「 搵食架生」。之後古佬再次落場努力sale客,發揮他的急才應對,最初試過報錯價,但坦承認錯是新人唔太理解,最後都成功做到生意,但古佬對價錢各樣不熟悉,其中一張單竟反拋波給阿Ben落單,他解釋:「 唔想耽誤時間,我真係唔清楚。」經過連日體驗後,他說:「能力同報酬成正比,演戲好又唔代表全部,可能係靠運氣,行行都係咁。」
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 見到同行炒車,敖嘉年即刻衝上前幫手。(ViuTV截圖)
敖嘉年送外賣泊私家車位結果被鎖。(ViuTV截圖)
古佬去到傢俬部任售貨員,樣樣嘢都要學。(ViuTV截圖)