今年三月張敏先公開承認同細佢十年嘅大陸製作人梵師兄拍拖( 新聞連結： http://bit.ly/2tX1nn9 )，近日張敏就孖男友同一班朋友去最近去咗西藏聽法會兼旅遊，連日嚟佢都有將聽法會視頻同觀光照片、食早餐同晚餐相放上網，睇佢哋食啲嘢，其實都好清淡，早餐就係食包子、白粥同醃製素菜，晚飯總算有啲肉咬下。

張敏就喺佢嘅微信朋友圈好感性咁留咗言：「這一生你所經歷的每一件事，遇到的每一個人，跨過的每一條溝，翻過的每一座山，爬出的每一個坑，走過每一步路......都是為自己的靈魂而體驗。」

據知，張敏呢次到西藏聽法會，佢已經有心理準備唔係乜嘢舒服團，坐車時間會好長，最長一次係坐足16個鐘，佢哋一行人走訪咗多個寺院，每朝6點前就起身，聽完法會又要禪修。今日《蘋果》致電張敏，佢話：「聽咗幾場法會，同大師們嘅交流，好有得着。」