巴塞隆拿會長巴杜美表示，球隊前鋒美斯依家已經係喺新合約嘅條件下幫球隊踢波，但簽約嘅並唔係佢本人，而係美斯老竇喎！

巴塞早喺今年7月話美斯已經續約到2021年，不過就一直「無圖無真相」。最新消息係巴塞再一次單方面放料，話美斯已經續約，年期仲多咗一年，去到2022年！巴杜美接受訪問時話：「相遲早都會影，不過唔急吖，希望年底前影到喇。但張新合約已經由老竇代簽咗喇，仲有關於肖像權嘅協議都一樣，所以美斯唔使簽都得㗎喇。」